Baie geluk aan die volgende Gim hokkiespelers wat in provinsiale spanne opgeneem is:

Boland o.18A Coreen Matthee Hané van der Merwe Julia Thomas Talita Modiakgotla Burton Maasdorp Carlon Mentoor Butch Strasheim	Boland o.18 Streekspan Karmi Gouws Lané Barnard Jana van Antwerpen Leonard de Nysschen Werner Brand
Boland o.18A Coreen Matthee Hané van der Merwe Julia Thomas Talita Modiakgotla Burton Maasdorp Carlon Mentoor Butch Strasheim	Boland o.16 Streekspan Carla Fourie Lara Davids Alette Stofberg Miné Vorster

Ons is baie trots op al hierdie hokkiespelers!

Die Nasionale Jeug Musiekkompetisie word reeds sedert 1984 jaarliks aangebied en die doel van die geleentheid is om talentvolle klassieke musici tussen die ouderdomme van 14 en 19 jaar te identifiseer. Die kompetisie skep 'n platform vir leerlinge om blootstelling aan die vereistes wat 'n musiekloopbaan aan solo- en orkes musici stel, te gee.

Na afloop van die oudisies in April is Kyrah Adams, 'n gr.9- leerling van Paarl Gimnasium, as een van 27 landswye kandidate verkies. Baie geluk aan Kyrah met hierdie groot prestasie!

Die kompetisie vind vanaf 3-7 Augustus by die Hugo Lambrechts Musieksentrum in Parow plaas. Die kompetisie vind plaas oor vier rondtes. Alle kandidate neem deel aan die eerste twee rondtes en van daar word leerlinge gekies om deur te dring na rondtes drie en vier.

Ons wens Kyrah alle sterkte toe met die voorbereiding vir hierdie groot geleentheid!

Baie geluk aan ons eerste rugbyspan met hul puik oorwinning van 18-16 oor Grey Kollege Bloemfontein tydens die Monnas Eeufees-toernooi gedurende die April vakansie. Dit is altyd 'n groot voorreg om teen Grey Kollege te speel. Ons seuns het mooi karakter gewys en ons is baie trots op hulle.