Welkom by Huis Kalahari Visser
Sedert 1934 ’n trotse tuiste vir Graad 8-leerders
Sedert 1934 ’n trotse tuiste vir Graad 8-leerders
Huis Kalahari Visser, wat oorspronklik in 1934 voltooi is, het 'n ryk geskiedenis wat strek oor dekades van koshuislewe, en bied 'n huislike omgewing vir Graad 8-leerders.
In die 1934-jaarblad skryf mnr. Kriel: “Die jaar 1934 sal altyd in die geskiedenis van ons skool bekend staan as van buitengewone betekenis. In Julie van hierdie jaar kan ons intrek neem in die nuwe koshuis, sierlik en smaakvol voltooi en doeltreffend gemeubileer”. Die boukoste van die koshuis was sewe duisend Pond (R14 000.00). Die legendariese mnr. J.G.L. (“Pappa”) Slabbert en sy gade was die eerste huisouers.
In 1938 is die anneks aangebou. Aan die einde van 1971 is die koshuis ontruim en Huis McFarlane se deure het in 1972 geopen.
Daar is dadelik met herstelwerk en verbouings aan die binnekant begin, sodat beide meisies en seuns hul intrek in die “nuwe” koshuis kon neem. Sedert die amptelike heringebruikneming as Gimnasium se graad 8-koshuis in 2006 staan die koshuis nou bekend as Huis Kalahari Visser – vernoem na mnr. Johan Visser, ’n oudstudent en weldoener van Gimnasium.
Die hoofgebou van Huis Kalahari Visser (op daardie stadium bekend as Gimnasium Koshuis) se bouwerk het in 1933 begin. In sy jaarverslag skryf mnr. JFM Kriel (skoolhoof), soos dit in die jaarblad van 1933 verskyn het, die volgende: “Dis vir my baie aangenaam om te mag rapporteer dat alles nou in die haak is om ’n aanvang te maak met die aanbou van ’n koshuis wat sestig seuns sal huisves en tot ’n sieraad vir ons skool en stad sal strek.”
“Vreugde & Vrede” is sentraal tot die koshuis-kultuur.
